https://virgool.ir/feed/@hajar.kabiri65fa2026-11-12 04:51:48https://files.virgool.ir/upload/users/4396577/avatar/avatar.pnghttps://virgool.ir/@hajar.kabiri65https://virgool.ir/@hajar.kabiri65/قیچی-z0q7zg7htfpjاتوبوسون صندللرینی سایا سایا، أن سونا اوچ ردیف قالان یئریمی تاپیرام. قلبیم یاواشدان چیرپینماغا باشلاییر. ألیمی کیفیمین قاباق جیبینه آپاریرام، ایچیمی راحاتلاداجاق بیر شئی آختاریرام.یانیما اورتا یاشلی بیر قادین اوتورور، سلاملاشیریق.بیزیم دال صندلیمیزده اوتورانلارین گلمه‌سینی گؤزله‌ییرم. ایکی صندلین آراسینداکی بوشلوغو، دال صندل ایله بیزیم صندلین آراسینداکی فاصله‌نی گؤزدن کئچیریرم. باشیمی پنجره‌یه یاسلاییرم.باباملا بیرلیکده تبریزه دوکتوره گئدیردیک. او ایل کنکور وئره‌جک‌دیم. بلکه گلن ایلدن اؤزوم تک باشیما اتوبوسا مینیب، یولا چیخاجاقدیم. خیالینی قورونجا هیجانلانیردیم. ألیمده هری پاترین کیتابی وار ایدی. تبریزده وقتیمیز اولورسا، خویا دؤنمدن کیتاب‌‌ائولرینه ده بیر باش گئده‌جه‌کدیک. اتوبوسون تئزجه تبریزه یئتیشمه‌سینی ایسته‌ییردیم. اتوبوسون سونونا بئش ردیف قالان صندلین پنجره‌سینه باشیمی یاسلادیم.«کث**فت، نامو**سوز،…» ایکی ردیف دالدان قیشقیران بیر قیزین سسییله دیکسینه‌رک قالخدیم، قیز بلکه ۲۵ یاشلاریندا، باشیندا رنگلی، گوللو‌ روسری‌سی دیققتیمی چکدی، اما گؤزوم ألینده قیفیللاندی. ألینده مؤحکم بیر قیچی‌نی دال صندلده اوتوران اوغلانا طرف اوزادمیشدی. قلبیم چیرپینماغا باشلادی.راننده ماشینی ساخلادی. اوغلانا طرف گلدی. یومروق ایله اوغلانین اوزونه ووردو. اوغلانین آغزی قانا بولاندی. «من هئچ ایش گؤرمه‌دیم» دئمک ایسته‌دی اما، باشقا بیر مسافر سؤزنو کسدی «من ده گؤردوم، بو خانیمی اذیت ائله‌ییردی.» قیچی، قیزین ألینده تیتره‌‌‌ییردی.مرند‌ه یئتیشنده، راننده اوغلانی پلیس‌راها تحویل وئردی.مرنده یاخینلاشیریق. یانیمدا اوتوران قادین «تبریزده دانشجوسان؟» دئیه سوروشور. «تبریز دانشگاهیندا جامعه‌شناسی اوخویورام» دئییرم. ریشتمدن چوخ باش آچمیر، باشینی ترپه‌دیر «موفق اولاسان قیزیم، دانشجو قیزلارین ساییسی چوخ چوخالیب.» اتوبوسون دولو صندللرینه باخیرام. یاریسیندان داها چوخوندا قادینلار اوتوروب. بلکه آرتیق کیفیمده قیچی داشیماغا گرک یوخدور.#دنده_عقب_با_اتو_ابزارHAJAR KABIRIHAJAR KABIRIMon, 24 Nov 2025 17:25:21 +0330