
مثل گون روشن اولوب حکم امامیله جهاد
حکمون اجراء ائلیوب بیرجه پیامیله جهاد
کار و کوشش ایلیوب عالی مرامیله جهاد
چوخلی خدمت ائلیوب ملت ایرانه بوگون
یار و یاور اؤلوری مردم دهقانه بوگون
یول چکوب کئدلر جوخ کئدلری آباد ائلدی
کئده بهداشت و رفاه مردمه ایجاد ائلدی
دشمنین نقشه لرین خنثی و برباد ائلدی
کئدلره برق چکوب کئدلری روشن ائلیوب
سو چکوب کئدلر چوخ کئدلری گلشن ائلیوب
کئده احداث ائلیوب مدرسه، مسجد له حمام
استفاده اولونور هر شب و روز صبح له شام
خط تلفن چکوب صحبته دایردی مدام
فرق یوخ شهر نشین یا که بوگون کئده اولان
بلکه آسوده و راحتدی بوگون کئده قالان
بهره برنامه سیما و صدادن آپاروب
میل ائدیر بال کره نی آزاد هوادان آپاروب
روحی چوخ لذت اؤنون صدق و صفادن آپاروب
غبطه ائلیرسن اوغول کئده اولان زندگیه
آفرین اولسون آتا بیر بله سازندگیه
امر ائدیب دولت وقت امرینی ایجاب ائلدی
سد وروب دره لره درنی پر آب ائلدی
جمع اولوب سده سولار دشتنی سیراب ائلدی
بارور دشت و دمن، دهقان اؤلوب خرم و شاد
نیمه جان برزگری زنده ائدیبدی بو نهاد
نه فقط خدمت ائدیب کئدیه، دهقانه جهاد
نیرو چوخ اعزام ائدیب عرصه میدانه جهاد
ال وؤروب جبهه ده چوخ خدمت شایانه جهاد
سنگر ایجاد ائلیوب روح خدا لشکرینه
چون نیاز چوخ واردی احداث اولان سنگرینه
انقلابیون گویونه بیرجه دان اولدوزدی جهاد
دهقانا انقلابا رهبره دلسوزدی جهاد
محکم و سخت کوش و مشکله پیروزدی جهاد
شب و روز سعی ائلیوب مردمی آسوده ائدیر
دشمنین توطئه سین کهنه و فرسوده ائدیر
هامویا معلوم اولوب دنیادا ایثار جهاد
قالاجاق دنیا بویی دنیادا آثار جهاد
یازیلا دفتریمه دیوانا اشعار جهاد
او خویان گر اوخویا درک ائلیه لذتی
بوؤلر اوندا بو نهادن نقدر خدمتی وار
چوخلی خدمت ائلیوب نهضته ارزنده جهاد
دشمنه ضربه وؤران جنگده رزمنده جهاد
چکرم نظمه سنین قدرتوی بنده جهاد
دشمنین سندی بئلی سیزده اؤلان قدرتیلن
دشمنه پیروز اولوب لشکر دین وحدتیلن
چوخ شهید تقدیم ائدیب پیکری صدپاره جهاد
چوخلی امداد ائلیوب نهضت خونباره جهاد
وئرمیوب فرصت امان دشمن غداره جهاد
معتقد نیرولار اعزام ائلیوب چوخدا رشید
حیف اولا عده ای اولاردان اولوب اوردا شهید
رهبر عاشق اولان خادم دینینن وطن
آتاسی قویموشدی نام اونا محمد له حسن
شهرتی بس که کسائی دی اولوب قانلی کفن
حاج ابوالفضل اولوری او شهیده بس که آتا
بیر شهید وئرمیشدی اولدی شهید ایندی دو تا
جاده ایجاد ائلیوب لشکر قرآنه جهاد
تیغ براندی یقین پیکر عدوانه جهاد
متکی اللها چوخ دینله ایمانه جهاد
سربلند دو جهان پرپر اولان گؤل لری وار
افتخاردی اؤنا چوخ آگاه اولان رهبری وار
خدمتین الله نان رهبر آگاه دان آلار
روشنایی گجله لر جاده چکه ماه دان آلار
خادم ملت اؤلوب مزدونی الله دان آلار
ابتکار چوخ یارادئب جبه ده چوخ شهرتی وار
ایندی بازسازی دا بول اعلمی چوخ شرکتی وار