ویرگول
ورودثبت نام
محمدرضا اسدی
محمدرضا اسدیدر سال 1342 در شهرستان مرند استان آذربایجان شرقی به دنیا آمدم . کارشناسی ارشد زبان و ادبیات فارسی از دانشگاه تبریز و دکترای ادبیات عرب را از دانشگاه تهران
محمدرضا اسدی
محمدرضا اسدی
خواندن ۴ دقیقه·۲ سال پیش

اشعار حاج حسین اعلمی(۳۴) پانزده خرداد

بو اولکنی ادیمیشدی مکان ظلمله بیداد

بو انقلابون زیر بناسی اون بش خرداد

چون قرخ ایکی ده بولدی بونی رهبر امت

بو ملت مظلومی ساتوب اوزگیه دولت

بیر نطقی له بیدار ایلیوب ملتی او وقت

ملت اوگونی مطلبی بولدی اولب ارشاد

با شوق او گونی ملت ادیب بیعت امامه

عشق اوسته گلوب چون ددی لبیک پیامه

با دست گره کرده دورب اوندا قیامه

بو مطلبی چون درک ایلیوب دولت جلاد

دستور ویروب ملتی سرکوب ایلین، شاه

مزدور اولان خارجیه حمله ادیب آنگاه

چوخ کشته وروب دینه اوگون ملت آگاه

مین لر جه بشر الدورب اولدردلر نوزاد

اجساد بشر چوخ واردی بی نشان اولدی

مین لر جه بشر نابود اولوب چوخ جوان اولدی

اول قدر ییره قان توکولوب قان روان اولدی

سرکوب ایلیوب نهضتی چوخ اولدولار دلشاد

دستور گلوب رهبر امت اولا دستگیر

چون بودلر او مرد توانا و مدبر

آزاد اولا گر قطع اولاجاق دست تزویر

علت اوئیدی قویمادیلار رهبری آزاد

چون درک ایلیوب رهبری پابند به توحید

تصمیم توتوب ظلملرین ایلیه تشدید

دستور وئروب رهبر ملت اولا تبعید

ترکیه یولونان اده لر عازم بغداد

با فکر غلط سویلدیلر ایش قوتولوبدی

چون شاهه اوگون دشمن اولانلار توتولوبدی

آمریکادا چوخ نقشه خائین چکلوبدی

بو انقلابون سنماقنا ادیلر امداد

بو انقلابی بولمدیلر نور خدا دی

بو انقلابا صاحب اولان آل عبادی

پیروزی نهضت نظر اهل جفادی

رهبر قوجادی سنی اونون هفتاد و هشتاد

بو انقلابی تعقیب ادیب او قوجا رهبر

تاریک گجه ده دینه اولان ماه منور

بو انقلابا وردی نجات مرد هنرور

چون اولدی حسین بن علی رهبره استاد

آیلار دولانوب شاه خبیث ملتی داندی

چون فسق و فجور چوخ ایلیوب ملت اویاندی

الیّ آلتیدا نهضت صداسی چوخ اوجالاندی

ائل لر ال اله وردی اولوب متحد افراد

قم اهلی قیام ایلدی چون نوزده دی ده

طاغوت مان اوچولاری چیخدیلا صیده

نهضت شیرینی صید ایلیه باشلادی کیده

خائن دی بولار ملت اوچون ایلدی فریاد

چوخ وردی فشار ملت اوچون دولت خون ریز

صبرین کاساسی دولدی داشوب اولدی چو لبریز

قرخ ساخلادیلار اهل قوما مردم تبریز

اوت وردی یانوب می خانا بانک، سینما بر باد

تعقیب ایلیوب نهضتی چون یزدیله جهرم

چوخ روشن اولوب باشلادیلار نهضته مردم

در راه خدا تقدیم ادیب هر زادی گوردوم

جان وردیلر، قان وردیلر، مال وردیلر اولاد

ارومیه و رشتیله ساری مردم تهران

قزوینده قیام باشلادی چون مشهد و زنجان

عصیان ایلیوب اصفهان و شیراز و کرمان

سرتاسر ایراندا قیام ادیلر ایجاد

تاریخ دولانوب بیست و شش چون دیه چاتدی

ملت هاموسی ال بیر اولوب مقصده چاتدی

با ذلت و خواری اوگونی شاه گینه قاچدی

گدی هاموسی آرواد، اوشاخ قالمادی شهزاد

تا اینکه گلوب ایرمی ایکی بهمنه چاتدی

اسلام آغاجی غنچه لنبوب گل لرین آچدی

چوخ لاله سولوب گلشنه چوخ قانلاری آخدی

گل تک داغولوب روی زمینه گوزل اجساد

چوخ کشته و زخمی او گونی وردی بو ملت

با وحدت و همبستگی چون تابدیلار قدرت

بیر ضربه وروب ساقط اولوب زورگو دولت

چوخ سعی و تلاش ایلدیلر اولدولار آزاد

تاریخی نی ملت عوض ادی اوگون ای دوست

شاه سلطنتی اولدی اوگون سرنگون ای دوست

سیز سلطنتی مزبلیه تیز توکون ای دوست

اوزونی هم دده سین هم باباسین سایر اجداد

اولدی آزاد بو کشور دولانوب اولدی بهار

اُؤلدی طاغوت زمان چوخ عذابا اولدی دچار

هم نشین اولدی اونا دوزخ آرا عقرب و مار

چیخدی پیشوازه فرعون شاهه دیدی ظلمه نهاد

سن کی قدرتلی شاهیدون نیه سن اولدو علیل

ددی وار منده بوگون بو سوزه چوخ یاخشی دلیل

خودپرستی و تکبر ایلدی شاهی ذلیل

تاج و تخت باد گدیب نهضت اوچون اولدی مراد

درکه داخل اولوب، هامی اونا تعظیم ادیب

آلدی آغوشه یزید عرض ادب تقدیم ادیب

ادی کی ظلم لری اهل اوتا تفهیم ادیب

مفتخر اولدی اوگون شمر، سنان، ابن زیاد

بس که من ایلمیشم قلب ضعیفانی کباب

اودی کی اولموشام عالمده بوگون خانه خراب

ادیگیم ظلم لره آللها یوخ منده جواب

معتقد من دییدیم واردی بیزه روز معاد

ایندی روشن دی منه قدرت شاهان هچی میش

ملتی سرکوب اده کارتر و ریگان هچی میش

دوز مسلمانه یقین حیله شیطان هچی میش

بولمدیم آخریمی ایلمیشم منده عناد

سیلینوب صحنه تاریخدان اوگون چون شاه آدی

پوزولوب نام کثیفی یازلوب الله آدی

عالمه روشن اولوب رهبریمین آن گاه آدی

اودی علت اوگونی ملت اولوب خرم و شاد

بولمدیم واردی اؤلوم واردی بیزه حق حساب

ورجک خالق عالم عمله زجر و ثواب

ظالمه قسمت اولی درگه حقده چوخ عذاب

وارمنه چوخلی عذاب ایلمیشم ظلم زیاد

مظلوما ظلم ایلین عالم آرا معلوم اولوب

اودکی ظلم لره پیش قاضی محکوم اولوب

حکمی اجرا اولونوب دنیادا او معدوم اولوب

توپراقا گدی اوگون ظالملن اهل فساد

چون دست اجانب کسلوب خاک وطنن

بهره توتولوب علم، صنعت، فن بولنن

ملت اوزی خودکاردی دولت دوزلنن

با یاری حق دولت حق ایلدی میلاد

بیر عده جوان عازم اولوب ایشلیه کده

چوخ رنج گوروب دوزدوله چوخ مشکله کده

احداث ایلیوب حمامی چون دوشله کده

با نام جهاد ایشلدیر بی ریا افراد

بو دولت اسلامی اولوب حامی دهقان

گر سعی ایلیه دهقان اولی خودکفا ایران

صادر ایلروق بوغدانی بیز چون اولا امکان

گر خالی قالان ییرلری دهقان اده آباد

انصاف ایلیوب قرآنا سن دوز عمل اد دوست

بو انقلابی ایله گلین سن گوزل ای دوست

اهداف قرآنی بولر اوندا ملل ای دوست

تعلیم ادیری حلقه قرآن اوزی هر زاد

احکام قرآن گر اولا دنیاده پیاده

پایان وره جک ظلم و ستم، شر و فساده

اوندا چاوسان اعلمی بول سنده مراده

تکمیل اولاجاق دولت مهدی اولا ایجاد

قمامام خمینیانقلاب اسلامی
۱
۰
محمدرضا اسدی
محمدرضا اسدی
در سال 1342 در شهرستان مرند استان آذربایجان شرقی به دنیا آمدم . کارشناسی ارشد زبان و ادبیات فارسی از دانشگاه تبریز و دکترای ادبیات عرب را از دانشگاه تهران
شاید از این پست‌ها خوشتان بیاید