بو دنیادن یورولموشام
باخا باخا کور اولموشام
جوان چاقی قوجالموشام
پاخیل دنیا ظالیم دنیا
بو دنیا حالیمی توتدی
ایلان اولدی قوشوم اوتدی
کپک اولدی منی قاپدی
پاخیل دنیا ظالیم دنیا
بیزی دنیا چوخ آنلاتدی
توتوب اللری باغلاتدی
سالوب زیندانا ساخلاتدی
پاخیل دنیا ظالیم دنیا
بو دنیاده وفا یوخدی
بیزیم درده دوا یوخدی
کدروار دور صفا یوخدی
پاخیل دنیا ظالیم دنیا
بو دنیا آجی دیر آجی
تانوماز قارداش وباجی
ییخر شاهی سالار تاجی
پاخیل دنیا ظالیم دنیا
بو دنیانون غمی چوخدور
خمی واردورچمی چوخدور
عسل کمدورسمی چوخدور
پاخیل دنیا ظالیم دنیا
بو دنیاده سنی سئودیم
غمی غم اوستونه ییقدیم
بلا گوردوم بلا چکدیم
پاخیل دنیا ظالیم دنیا
الاهوم بیر قوش اولایدوم
گلیب چینیده قونایدوم
سنه چه چهه اوخویایدوم
پاخیل دنیا ظالیم دنیا
ولی سن کی یار اولمادوی
حالیمی هئچ سوروشمادوی
نمه بیلمم سن آنلادوی
پاخیل دنیا ظالیم دنیا