اوزاق زمان لاردا بیر دانا قورد واروموش ، بو قورد یاتار یاتار آجوخور ، فیکر ائلر فیکر ائلر دییئر نمه ائله ییم ؟ چیخیم ائشیگه بلکه بیر غذا تاپوم یئییم .گئدر گئدر گورربیر دانا گئچی ، دییئر گئچی یئییم بیله یی؟ گئچی دییئر من آروغام هئچ نمم یوخ ، قوی گئدیم گتیریم ایکی یینن اوچی اوندان یه منی ،بونی دییئر و آلا ّ تور چیخر گئدر .
قورد گئدر گورربیر دانا قوزی ،دییئر قوزی یییم سنی ؟ قوزی دییئر من آروغام هئچ نمم یوخ ، قوی گئدیم گتیریم دادونان دوزی ،اوندان منی یه،اودا آلاّتار چیخر گئدر .
قورد گئدر گورر بیر دانا، دانا ، دییئر دانا یییم سنی ؟ دانا دییئر یو ، قوی بیر آتّولوم بو پانا آتّولوم او پانا، اوندان یه منی ، بودا آلاّتور چیخر گئدر .
قورد گئدر گورر بیر دانا آت ، دییئر آت یییم من سنی ؟ آت دییئر یو منی یئمه ، قوی گئدیم گتیریم غمزینن بارات ، اوندان یه منی ، او دا آلاّتور چیخر گئدر .
قورد گئدر گورر بیردانا دئوه ، دییئر دئوه یییم بیله یی ،دییئر بوردا منی یئمه من اوجایام ، گورللر بیله یی گللر وورالاّر اولّی ، گل مین دالوما آپاروم بیر چالادا یه منی ، هئچ کیمسه گور مه سین .دئوه آلار دالونا لنقور لنقور ،لنقور لنقور آپارورسالار بیر چالویا ، اوردا اوقدر تپیگینده وورار ، قورد له اولار .
قورد اوز اوزونه دییئر کپک اوغلونوی قوردی ، گئتدی گوردوی گئچی ییدیی قالایدی ایکی قیچی ، نمه چوپانلوقا گئدیر دی، نئلیردیی، گئده گتیره ایکی یینن اوچی.
گئتدیی گوردوی قوزی ییدیی قالایدی ایکی گوزی ،نمه حلیم پز خانویا گئدیردیی ، گئده گتیره دادونان دوزی.
گئتدیی گوردوی دانا ییدیی قالایدی ایه سی یانا یانا نئلیر دیی آتّولا بو پانا آتّولا او پانا ، نمه روستمه پهلوانلوق اورگه تیردیی.
گئتدیی گوردوی آت، ییدیی قالایدی ایه سی مات ، نئلیردیی گئده گتیره غمزینن بارات ، نمه سولطانلوقا گئدیردیی.
گئتدی گوردوی دئوه ییدیی قا لایدی ایه سی گوه گوه نئلیردیی آپارا تپه آغ قالادا ائوه،وورا لت و پار ائلییه.
مثلیمیز یئتیشدی مطلبینه