۱۳۹۱/۰۶/۲۸ - ۳:۵۳ ب.ظ - الیاس امیرحسنی - نظرات
بو مقاله نی حکیم تیلیم خانون بئشینجی قورولتارویا سوندا اوخودوم
حکمتلی سوزلر ایشیق اورگ لردن روحانی وتانری تانیان انسان لاردان سرچشمه آلوب دنیا قارانلوقون ایشیق لان دیریب و عشق ومحبت دانه سین اکیب ومهربان لیقی بیزلره اورگدیب دیر .
بو روحانی انسان لاردان بیری بیزیم اولکه میزده آدلیم شاعریمیز حکیم تیلیم خاندیر .او یارادان سوزلر گنج وگوهر کیمین سینه لرده گیز لینی دی و هر قدر کی آقای امیری دن تشکور ائلیاخ ینه ده آز دیر کی بو گنج وگوهر لری آختاروب تاپوپ و زیور طبعه چاتدیریب .ومنیم کیمین غافل انسان لارا اعلام ائدیب کی اوز دیلیمیز ائلیمیز
آیینیمیز و اولکه میزی یاددان چیخارتمیاق.
دئماق اولورکی بیرینجی دفعه دیر کی بنده اوز دیلیمیزینن بو مقاله نی حضرت تیلیم خان پیشگاهینه تقدیم ائدیرم و بویوک استادلردن وحرمتلی عاشق لردن و هامی اخویوب بیلن دانیشان لاردان باغیشلانماق ایسته میشم.
هر کیمسه عشق یولوندا مسافر اولا عشق اونون الین دوتوب آپارار خطر لره سالیب و اوزی خطرلردن نجات وئریب و اونون دیلینده اوز وصفینی بیان ائلر .
بله کی تیلیم خانی ده مرغئی دن چکیب آپاریب و دنیانی گذدیریب و دوباره اوز وطنینده دفن ائدیب دیر .عشق هم کور ائلر هم گوز آچار.عشق هم الدورور هم جان ورر.ائشیدمیشیق کی مجنون لیلی نین سسین ائشیدنده هوشدان گئدریمیش وساعتلر اوندان سونرا هوشه گلریمیش.هر کیمسه نین عشقی آرزوسی سودیگی بویوگ اولسا اینجیییب اذیت اولماقی چخ لاشیر . اوطرفدن لذت آپاریب اسرار عا لمه ال چاتدیریب و بی خبرلری خبردار ائلر .بو عاشق انسان لاردان بیری ده تیلیم خان دیر .تیلیم خان عشق یولوندا دنیانی مال وجاه و مقامی آتیب و بویوک تانری دان سونرا هئچ کیمسه نی سومییب .مهری عشقی اونی تانرویا چاتدیریب و هر عشقیده کی هوا وهوس اولماسین او عشق تانرویا گرکدیر وبئله دیر کی تیلیم خان بیر بویوک عارف شاعر دیر .هر کلمه سینده بیتینده مصراعینده تانری اییی ائشیدینیر .بئله دئماق اولورکی اونون شعرلری عالم بالادن الها م اولونوب .اگر سوز سوز اولماسین سینه لرده یازیلیب قالماز اگر سوزده اثر اولماسین گوزدن یاش آخماز .اگر سوزده سووز اولماسین اورگلری آچماز .اگر تیلیم خان شهریار و چوخ بویوک شاعر لریمیزین سوزی سوز اولماسا هر یئرده اوخونوب گویه چاتماز .
تیلیم خان مذهبی شعرلرینده تانری دان سونرا ارادتین مسلمان لار پیامبری حضرت محمد (ص) چاتدیریب و اونون وصفینده منقبتینده قلم دولاندیریب مخصوصا نچه یرده پیامبر معراجین وصف ائلییب .حضرت علی (ع) هامی عاشق لرین شاعرلرین عارفلرین مراد و مولاسی دیر تیلیم خاندا او مو لانین باره سینده سوزی گویه چاتدیریب و اونون اولادینه اظهار ارادت ائلییب .
عاشقانه غزلیاتیندا نه قدر گوزه ل یارین بی وفالیقین اونون نازو کرشمه سین اونون قاشون گوزون وصف ائلییب . بله دئماق اولور تیلیم خاندا دوره صفویه شاعرلری کیمین یاردان شکوه وشکایتی چوخدور .اوزون یار مقابیلینده آشاقا گتریب و یاردان رحم و مروت ایسته میشدیر .اوطرفدن دنیانون بی اعتبارلیقیندان بی مروت انسان لاردان ناله سی قاوزانیب دیر .بوردان مراتب زهدی گورسنیر .
وهامی بیلر کی تیلیم خان خاندانی قاپوسی آچوخ سفره لی و قوناقلی بیر خانواده ایمیشلر و مال و مکنت لری چوخوموش اوجورکی خلف لری ده بابا یولون گئدیب قوناقا چوخ احترام ائدن لر .
وجود نامه شعرلرینده تیلیم خانون عرفان مراتبی گورسنیر.حتی انسانین سو موک لرینین سایین بیلیب قلمه گتریب و بله گورسنیر کی آیات قرآنی اوخویوب بیلیب حفظ ائلییب و ترجمه سین شعرلرینده بیان ائلییب .بله دئماق الورکی اوجور کی آقای کمالینین نظری واروموش تیلیم خان تورکی زبان شاعرلرین هامی سینین بویوگی دیر .حقه باخان بیلر کی اراک منطقه سینده تورک شاعرلرین قطعا هامی سینین بویوگی دیر اگر کل ایرانی دییه بیلمیاخ.
سوزومون سونوندا هامی کیمسه لردن کی بو بویوک توتمانی بو بویوگ شاعره دوتوبلار تشکور ائلیرم و تمام عاشیق لردن مرغه لی لردن و تمام اولار کی بو مراسیمه حضور چاتدیربلار و آقای امیری دن کی منه ده فرصت وردیلر بو مقاله نی اوخویام تشکور ائلیرم .بنده الیاس امیرحسنی قاراقان منطقه سی رازقان کندینده کی تازه شهر اولوب وعارف بزرگ حضرت آیت ا...علی محمد فاضل امیرحسنی اوردا دفن اولوب دنیایه گلمیشم .دانشسراده درس اوخویوب معلم اولموشام اوندان سونرا ایکی ایل قراقان منطقه سینده درس وریب دانشگاهه گتمیشم .دوباره قییتیب آلتی ایل قراقان منطقه سینده درس ورمیشم و الان تهرانا منتقل اولموشام واوردا مردم شریفه خدمت ائلیرم .وبئله دییرم:
ای تیلیم خان
ساوه نین نوبرانین قاراقانون و تمام تورکلرین افتخاری سن .چخ حییف اولسون کی سنی گج تانودوق
چوخ حییف اولسون او قوجالارا کی سنین شعرلرین سینه لرینده توپراق آلتیندا دفن اولدی .چوخ حییف اولسون دکتر علی کمالیه کی سنین بارنده آرزولری سینه سینده دفن اولدی .ینه سنین شعرلرین اوجا اوجا اوخویوب داغا داشا سالاروق ینه سنین سوزلرین قاپولار اوسته هامی یرده یازاروق .سوزوم قورتاران موقع حضرت علی (ع) دوغوم گونون بابالار گونون هامی علی سون لره تبریک عرض ائلیرم .
منابع:
۱-حکیم تیلیم خانون دیوانی /بیرینجی جیلد /توپلایان مهندس اسدا... امیری
۲- نچه مقاله اینترنیتده