ویرگول
ورودثبت نام
الیاس امیرحسنی
الیاس امیرحسنی
الیاس امیرحسنی
الیاس امیرحسنی
خواندن ۲ دقیقه·۵ سال پیش

حاج علی سیفی:الیاس امیرحسنی

قارامیل حاج علی آقا سیفی نین ایلک شعر توپلوسودور . حاج علی سیفی بیزیم اولکه نین چاغداش شاعری و تیلیم خان دان سونرا ، مرغئی کندی نین پارلایان اولدوزودور . اونون باشدان گئچدیگی ، بیر درین و اوزون داستان دور کی اگر اوزون دن ائشیدن مزه لی دیر .

او دا ده ده تیلیم خان تکین بیر قارا گوزه عاشیق اولوب و او قاراگوز اونی چکیب آپاروب ، آپاروب و دئییب ، بوتون سئو گی لر ، هامّی عشق لر ، آلله عشقیندن سوای ، یالان ، یارومچولوق و فانی اولان عشق دیر .

او قارا گوزلونون آدی گلنار دی و حاج علی اونون داستانین چاپ ائده جاقدیر .

هرنه اولسون حاج علی الآن بیر آدلیم شاعیر دیر و قارا میل اونون ایلک دفتر شعری دیر کی بیلدیر چاپه یئتیشیب .بو کیتابی نگار اندیشه چاپ ائدیب و قارامیل آدی دا مرغئی ده بیر داغ آدی دیر .

چوخ تاسّف لار کی مرحوم علی کمالینی بیر زمان بیزیم مردم سئو مدی و اونی تانیمادی و ایندی اونون فیکیر لری ،اونون امک لری ، اونون تدقیقاتی اوزون گوستریری .و حاج علی دا علی کمالی مکتبیندن درس آلوب و اونون یولداشی و دیلداشی دور .

حاج علی سیفی ده مرحوم استاد شهریار کیمین کی حیدر بابا منظومه سینده گوزلرینین یاشینی مرکّب ائلدی و تمام ائلینه و اوباسینا کونلونون دردلرین ، آشکار ائله دی باشاروب دور بو کیتابدا اوز اولکه سینی تانیتدیرا و دینین وطنینه ادا ائلییه ، بونی آت اولن شعری و ساوا سفری گوستریر .

حاج علی سیفی بیر حسّاس ، عاطفه لی ،مهربان شاعردیر و بونی او شعر کی قارداشی آقا محمد تقیه خاطیر و اونون لندن سفرینده یازوب و هابئله او شعر کی دوکتور گونئیلی یه سونولوب و او شعر کی مرحوم مهدی خانی و قارداشی اوغلو مرحوم هادی رثا سونده و او شعر لر کی گلنار خانوما خاطیر یازولوب گوستریر .

حاج علی ده بوتون تورک شاعیرلرکیمین دونیانون بی وفالوقوندان دادچکیری وتورک دیلیندن و ائلیندن دفاع ائلیری .( تاریخ گورمز امگینی ساتا تورک )

حاجعلی ساتریک و طنز شعرلره ده ال قوشوب و بونی لال اوتور چوخ زیریلداماو بیر آرواددان اضافه دردسردی گوستریر . حاج علی فارسیجا شعرلری ده چوخدور و بیز گوز یولدا قالاروق تا اولا رادا گوزوموز آیدون اولسون . اونا تاری دان ایشیق گونلر و ساغلوق سلامتلیق و اوزون عمر آرزو لاییریک.

۱
۰
الیاس امیرحسنی
الیاس امیرحسنی
شاید از این پست‌ها خوشتان بیاید