ویرگول
ورودثبت نام
جلیل آهنگرنژاد
جلیل آهنگرنژادروزنامه نگار، شاعر، مدرس دانشگاه
جلیل آهنگرنژاد
جلیل آهنگرنژاد
خواندن ۱ دقیقه·۱ ماه پیش

شعری از مجموعه‌ شعر ته‌م / جلیل آهنگرنژاد

رووژه‌یل وارانی

 

 

 

له ناو رووژه‌یل وارانی

هه‌ر ئه‌و جووره گ ِ خوه‌د زانی

دڵم گیر چه‌وه‌یلێگه

چه‌ووه‌یل ِکاڵ ِ له‌یلێگه

چه‌وێگ ئاگر وه کووڵم که‌ێ

هه چۊ شاره‌یل چووڵم که‌ێ

 

وه‌لا به‌ێده‌م وه‌ره‌و جاران

وه مڵك سه‌وز نازاران

وه‌لا به‌ێده‌م وه‌ره‌و رووژێ

گ ها گیانێ له گوڵ تووژێ

وه‌لا به‌ێده‌م وه‌ره‌و ماڵێ

گ ِ گه‌رمه شین شمشاڵێ

وه‌لا به‌ێدم وه‌ره‌و هووهوو

وه‌ره‌و وه‌فره‌یل داڵاهوو

***

له ناو رووژه‌یل وارانی

هه‌ر ئه‌و جووره گ ِ خوه‌د زانی

هه چۊ مجنوون ِ ئاواره

وه شیتی رۊ نه‌مه‌ێ شاره

من و شه‌ۊ خیس دڕیاێێگ

دڵێ له  دووس بڕپاێێگ

من و قرچه‌ێ دڵ کاڵێگ

من و ئه‌وره‌یل  شه‌ۊ واڵێگ

وه تک تک ئه‌وره‌گه‌ێ که‌وکه‌و

هه چۊ ئه‌‌ورێشم خوه‌زێیه‌و

تکێ، شوورێ په‌ژاره‌یلم

له‌نوو گوڵ ده‌ێ وه‌هاره‌یلم

دۊه‌ت قژ هۊل خوه‌زێیه‌و تێ

ده‌نگ چۊه‌زه‌یل که‌و‌که‌و تێ ...

***

له ناو رووژه‌یل وارانی

هه‌ر ئه‌و جووره گ ِ خوه‌د زانی،

ره‌فیقن ئه‌ولما هه‌ر سوو

مه‌لۊچگ، ئاسمان، ئاسوو...

كرماشان. زمسان 82

 

۲
۰
جلیل آهنگرنژاد
جلیل آهنگرنژاد
روزنامه نگار، شاعر، مدرس دانشگاه
شاید از این پست‌ها خوشتان بیاید