
ئهێ هاتیده!
هاتیده؟!
ئهێ ههر چگه!
وه پید ئۊشن گ هۊچید
وه پیم ئۊشن گ هۊچم
ئهمانێگ
له ئێوارێان سهرد سڕ بێ هۊچگه
تا بن پرچ نارنجهگان هاتیده
تا شیرنی سێف بێئاێهمێگ.
تا ههرچگه ئاوهیل دۊر؛
تا ههر چگه جادهس، ههسهد!
تا ههر چێ کاڵه و خهسه!
ئێرنگه
له هۊلی خوهر نازار پاد بارمهو
یا له شهت دهلیاێگ
له ناو کتاو شووریاێیگ؟!
زانی ئهگهر هۊر یهک نهکهیم،
له هۊرهو چیمن؟!
ئیمه وه هۊرهو ژییهیم
هۊرم بکه ئهێ هۊچگه!
ئهێ ههر چگه!
هۊرم بکه
له ناو جهڵد چریکهیل تاشهگان
هۊرم بکه
له سات کهمێڵه دریژگان بێ کهپووڵ
له ناو لهش ههێمانهیلێ گ
بوو خۊن دهن
بوو خهون؛
بوو بالۊتێ گ
له شوون دهرچین گوله
له چهک گریلاێ عاشقێگ هێز گرێ
هۊرم بکه
ئهێ ههر چگه! ئهێ هۊچگه!
جلیل آهنگرنژاد