آتام گوجدن دوشوب اولوبدی خسته
بدنی دایانمیر دیزلری اوسته
سنه عرض ائلییم اوزو آهسته
نییه بیزدن خبر توتموسان آنا
بیر زامان دییردین بویونا قوربان
اوشاقلارلا گیر سن اویونا قوربان
چورگینه قوربان سویونا قوربان
نییه بیزدن خبر توتموسان آنا
قوردوقون یووانا اوولادیندی یاد
گئتدین حیاتیمیز اولوبدی برباد
نه یادا سالان وار نه ائدن امداد
نییه بیزدن خبر توتموسان آنا
چیخیبدی گویلره آه و واییمیز
اوخ گئدیب کماننان یوخدی یاییمیز
کیمسییه چاتماییر های هاراییمیز
نییه بیزدن خبر توتموسان آنا
زهر ائتدی بیر استکان چاییدا
یامان قویدون بیزلری دولاییدا
گورمه دیک بیز سن نن صورا پاییدا
نییه بیزدن خبر توتموسان آنا
گونش دئییم اولدوز دئییم آی سنه
اوشاقلارین قوی دئسین لایلای سنه
بلکه آنا آلمامیشیق پای سنه
نییه بیزدن خبر توتموسان آنا
اوشاقکن دویدوقوم عطرینه قوربان
منن او اینجیین خطرینه قوربان
علی اوغلون سنین قبرینه قوربان
نییه بیزدن خبر توتموسان
