سوی قیریم یارادیر مهربان گؤزون،
قویور بو دونیادا نسلیمی سونسوز.
امکان یارات ! گؤزلرینین خترینه،
بیر کره ده گؤروم سنی نه اولار؟
دونیا اؤلوم ، دونیا ایتیم دونیاسی
بو گؤروشدن ائتمه منی نه اولار ؟

گؤرون بیر آن خئییریمده شریمده،
بوز اولماسین آلینیمدا تریم ده.
قییما کی قورولا شعیرلریمده،
سطیر-سطیر یاس تؤرهنی، نه اولار؟
کیمین بختی سن کیمینی یئتیرسه،
سما اولار بیرجه قارینج چتیرسه...
گل آرازدان سوروشاق کیم ایتیرسه؛
سنین کیمی بیر کیمسهنی نه اولار؟
لازیمدیرسا دئ جان قویوم اوغروندا،
پاییم اولسون عذابین دا آغرین دا...
یاغیشلاندیر گؤزلریمین باغریندا،
یووالانان شئحی چنی نه اولار؟
یاخشی ایمیش اوتانماق دا عاییب دا،
نالهم یئری گؤیو حیران قویوب دا...
یوبانما گل ،گتیرمهمیش قاییب دا ،
قافیه یه آغ کفنی نه اولار؟
علی رشتبر قاییب
https://rubika.ir/AliRashtbarQayib/BEIHBGGCDGDCJHGF