
ئا - کار من وه کارێ ته ههیه!
دهمهکێ ئهم دبێژن "کار م وه ته ههیه" ئان ژی "من کار خوه وه ته ههیه"، مهبهستا مه زهلاله. ئهم دخوازن ژ ئالیێ دن ڕا ببێژن کارهکی من ب ته ڕا ههیه. ژخوه ئهو "وه"یا د ڤان ههڤۆکان دا ههمان پێشداچهکا "ب" یه کو د دهڤۆکا کوردێن خۆراسانێ دا جارنان وهک "و" ژی تێ بلێڤکرن. ئهڤ ئاوایهکی ئاسایی و نۆرماله. لێ دهما ئهم دبێژن "کار من وه کارێ ته ههیه" ئان ژی "من کار خوه وه کارێ ته ههیه" ئێدی واته دگوههره. "وه"یا ل ڤان ههڤۆکان ژی دیسان ههمان "ب" یه. ل ڤر ئێدی ئهڤ نه گۆتنهکه ئاسایی یه. ڤێ جارێ ئهز گهفێ ل ته دخوم و مهبهست ئهڤه، "تو ڕاوهسته، ئهز دزانم ل ته چ بکم" ئان ژی "ئهز زانم چ بینم سهرێ ته".
ب - کارسازیا خوه کرن / کارسازیا کهسهکی کرن
ئهڤ بوێژ دهمهکێ تێ گۆتن کو مرۆڤ کارهکی گران و ب زههمهت دکه، تشتهکی نه گونجان و نهلههڤ دخوه کو تهندورستیا وی تووشی زیان و مهترسیێ تینه و هەر وەکی دن. وهک میناک:
۱ - ته شهڤا چوویی هێکهرۆن و خیار ب ههڤ ڕا خوارن، ته کارسازیا خوه کر!
۲ - من ب ته ڕا گۆت، ههوا چاخوونه، تهنهکراس مهره بهر پێز! لێ ته گوڤه من نهکر، ته ئاخر ژی کارسازیا خوه کر!
ج - شهرێ کهسهکی کرن دهرێ خوه
ئهڤ گۆتن دهمهکێ تێ گۆتن کو مرۆڤ ب گۆتنهکێ ئان ژی ب کرنا کارهکی، کهسهکی/کهسهکێ ل دژی خوه ئان ژی مالبات و کهسێن خوه سۆر بکه. ئان ژی ئهم ببێژن، ب کرنا کارهکی بههانهیهکێ بده کهسهکی دن
کو ب ئاوایهکی نهیینی کو ئهم ناخوازن، ڕاستی مه بێ: ب ئێریشا دهڤکی و لێدانێ، ب داخوازا تشتهکی، ب مێڤانبوونا ب زۆرێ و نهخوهستی و هەر وەکی دن. ئهڤا کو ب ئاوایهکی کهسهکی بکی بهلایا سهرێ خوه.
ئالیێ دن ئێ ڤێ بوێژێ ژی ههیه: شهرێ فلان کهسی ژ دهرێ مه بکه. یانی زووکا ژ دهستێ کهسهکی ڕزگاربوون.
چ - تشتهک ژ دهرێ خوه کرن
دبێژن فلان کهس فلان کار ژ دهرێ خوه کر. ئهڤ بوێژ د دهمهکێ دا تێبکارئانین کو کهسهک بێ و کارهکی نیڤجوو و نهقهتیایی ب جی بهێله و تهمام بکه. ئان ژی کارهکی ب ئاوایهکی نه ژدل و نڤیشکان ب
جی بینه و زووکا خوه ژێ برهڤینه.
*بهرات قهویئهندام
۲۷ێ گولانا ۲۰۲۲ئان