منم آدِم حسن مدخان
اَنام نیسترآتام مد خان
ایوِمِزده زو طرفده
بِز اییردِگ چربی روده
قارداشم برات ،حسین آدِ ده
باجیم بانو،کشور کیچی سارادِه
دنیا بِزه خوار اید ده
آواره کوچه وبازارایده
آتا انام که ایلده
کیجی باجم دِق ایده
اوزایمانُن اوسته
جانِن الدَن بیرده
قالده اوندن ایکه قیز ایکه اوغلن
بیره حبیب بیره" ولی"مِنه یازَن
بیرمِزدِ مشهددَ منم قُلی تپده
بیک قارداش ایلوب باغچه تُرپاقنده
من آلمَدِم خاتِن جوان لِقم ده
هیچ کِمِم یوخ بدنیا نِن ایچِن ده
سرایدار اُولدُِم قُلی تپده
قارننه قرار ایشلِردم اویرده
من خیله شعر دیردم
هرکمه که گورردم
اونه چِن بیاته دیردم
اما یازه بیلمر دِم
گونم گَلده گچ ده
مونه هرکم بیلرده
قارداشلَرخاتون آلون سیزلره
مِنه خدای پیغمبر دیِب بیزلره
منم بو ایشه ایدوم
وقتی که پیر اولودوم
منم اُجاقمه اُدِن قالار یوخ
دیرله کوراُجاق بیربیره وُرَن یوخ
منم قبرم نانیک ده اصغربیات یاننده
خدایه رحمت ایدسُن شبیه اوخینده
شمر اولرده اما حسین آدنه آغلیرده
مَنه باجم کشور چوخ رحم ایدرده
خدای ساخلسون، مَنه کمک ایدرده
کلدوم اونُن یانِنه موقع جان بیرنده
